मी दु:ख मांडताना प्रश्नावलीप्रमाणे;
उत्तर दिले सुखाने मज वाकुलीप्रमाणे.
मजलाच टाळणारे जाती तुझ्या दिशेने;
रे मी उन्हाप्रमाणे,तू सावलीप्रमाणे.
मी बाहुली न आणू शकलो मुलीस माझ्या;
त्याने मुलीस जपले बघ बाहुलीप्रमाणे.
आले कधी न त्यांच्या शब्दांतही निखारे;
ज्यांच्या विवंचनाही विझल्या चुलीप्रमाणे.
हा एक पाय फसतो,तो एक काढताना;
मज वर्तमान वाटे हा दलदलीप्रमाणे.
ते शोधती बहाणे त्या राजकारणाचे;
कोणत्याही टिप्पण्या नाहीत:
टिप्पणी पोस्ट करा